மதுரை எல்லீஸ்நகர் ஹாக்கி அகாடமி சார்பில் தென்தமிழக அளவிலான 15 வயதுக்குட்பட்ட ஆடவர் பிரிவுக்கான ஒருநாள் ஹாக்கி போட்டி எல்லீஸ்நகர் ஹாக்கி மைதானத்தில் நடந்தது. 10 அணிகள் பங்கேற்றன.
முதல் அரையிறுதியில் ராமநாதபுரம் சையது அம்மாள் ஹாக்கி அகாடமி 5 – 0 கோல் கணக்கில் வாடிப்பட்டி எஸ்.டி.டி.சி., அணியை வீழ்த்தியது.
அடுத்த அரையிறுதியில் எல்லீஸ்நகர் ஹாக்கி அகாடமி அணி 2 – 1 கோல் கணக்கில் சிவகங்கை செயின்ட் ஜோசப் அகாடமி அணியை வீழ்த்தியது.
இறுதிப்போட்டியில் சையது அம்மாள் அணி 3 – 0 கோல் கணக்கில் எல்லீஸ்நகர் அணியை வீழ்த்தியது. மாவட்ட விளையாட்டு அலுவலர் ராஜா, மாவட்ட ஹாக்கி சங்கத் தலைவர் கண்ணன் பரிசு வழங்கினர்.
